Georex-2018 xarici əmlak, investisiya və miqrasiya sərgisi
Sərgi iştirakçıları: Colliers İnternational Georgia, Clap, Rekan Group, Schuchmann Real Estate, Hochbau, Mgzavrebi Hotel Chain, Tropical Garden, MyHome.ge, Skyİnn, ConPro, NV-company, Archi Group, Axis Development, m2 Real Estate, ARGOCOSTA, Binadari, Dux development, Simetria, Unix Development, Hill İnternational, Juizhou Building Materials İnternational Trade Company, Euromarina və Azərbaycandan Remart Group.
Georex-Batumi sərgisi dəyirmi masadan başlamaqla Gürcüstanın, xüsusilə də Batuminin əmlak bazarının hazırki vəziyyəti, turistləri cəlbetmə üsulları, beynəlxalq investisiyaların əhəmiyyəti, yerli əmlak peşəkarların xarici tərəfdaşlarla qarşılıqlı münasibətləri və s. bu kimi aktual mövzular müzakirə olundu. Müzakirədə Acariya Muxtar Respublikasının Maliyyə və İqtisadiyyat Nazirliyinin, yerli şirkətlərin nümayəndələri və əmlak bazarının peşəkarları iştirak etdilər.
Bundan əlavə, iş programı bir sıra təqdimatlarla davam etdi. Sərginin birinci günü yerli və dəvət edilmiş əmlak bazarının peşəkarları üçün, ikinci günü isə şəxsi alıcılar və investorlar üçün nəzərdə tutulmuşdu.
Global Promotion Group - beynəlxalq sərgilər
GEOREX-Tbilisi sərgisi də oxşar formatda keçirildi. Dəyirmi stol arxasında keçirilən müzakirədə Tbilisi İcra Hakimiyyətinin, inşaat və daşınmaz əmlak şirkətlərinin nümayandələri iştirak edirdi.
Qeyd edilməlidir ki, Remart Groupun təqdim etdiyi məhsullar, o cümlədən remart.az saytı və Remart PRO proqram təminatı barədə şirkətin rəhbəri Akim Tahirovun çıxışı çox böyük maraqla qarşılandı. Sərgidə iştirak edən 30-a yaxın Gürcüstan inşaat şirkəti remart.az saytının xarici əmlak bölməsində öz layihələrinin də yer almasını istədilər. Həmçinin, 7 şirkətlə Remart Pro proqram təminatının alınıb quraşdırılması ilə bağlı niyyət protokolları imzalandı.
Keçirildiyi dörd gün ərizində sərgini 400-ə yaxın insan ziyarət etdi, peşəkar əlaqələr quruldu və sərmayə ilə maraqlanan, eləcə də potensial əmlak alıcıları təklif olunan layihələrlə tanış oldular. Növbəti belə sərginin 2019-cu ilin aprel-may aylarında keçirilməsi planlaşdırılır.
