Remart daşınmaz əmlak bazarı iştirakçıları üçün peşəkar mobil tətbiqdir. Tətbiq vasitəsilə istifadəçilər əmlak elanlarına daha asan çıxış əldə etməklə əmlak əməliyyatlarını sürətli və rahat şəkildə apara bilərlər.
Mobil tətbiqi aşağıdakı linklərdən yükləyə bilərsiz:
____________________
____________________
Tətbiqi fərqləndirən əsas xüsusiyyətlər:
- Əmlak portfelinin sistemli və nizamlı şəkildə qurulması
- Sürətli əməliyyatlar
- Vaxta qənaət
Remart vasitəsilə istifadəçi:
- Şəxsi profilə malik olacaq;
- Öz sifarişlərini və təkliflərini yaradacaq;
- Yaratdığı və ya digərlərinə aid olan elanları istədiyi şəxslərlə paylaşacaq;
- Digər istifadəçilərin elanlarına baxa, onlarla telefon və ya watsapp üzərindən əlaqə yarada biləcək;
- Filtr vasitəsilə yalnız istəyə uyğun elanları tapacaqdır.
Mobil tətbiq mütəmadi olaraq yenilənir. Artıq istifadəçi, tətbiqi yüklədikdən sonra qeydiyyatdan keçmədən belə elanlarla tanış ola bilər. Lakin, istifadəçi, tətbiqdə öz profilini və ya elanlarını yaratmaq istəsə, qeydiyyatdan keçməlidir. Yaxın zamanda tətbiqə yeni funksiyaların artırılması nəzərdə tutulur.
*İSTİFADƏ QAYDALARI*
İstifadəçi Remart mobil tətbiqinin imkanlarından tam yararlanmaq üçün qeydiyyatdan keçməlidir. Yeni istifadəçi qeydiyyatdan keçmədən “Elanlar” lövhəsindən tam, “Agentlər” lövhəsindən qismən istifadə edə bilər. Tətbiqdə qeydiyyatdan keçmək üçün istifadəçi “Daxil ol” pəncərəsində “Qeydiyyat” düyməsinə klikləməli, mobil telefon nömrəsini, adını və şifrəni daxil etməlidir. Bundan sonra, istifadəçi “Daxil ol” bölməsində mobil nömrəni və şifrəni daxil etdikdən sonra tətbiqin bütün imkanlarından istifadə edə bilər.
*ELANLAR*
Bu lövhə mobil tətbiqi yükləyən bütün istifadəçilərə açıqdır.
Burda tətbiq istifadəçilərinin elanları tarix ardıcıllığı ilə düzülür. Onların hansı növə aid olduğu (alış, kirayə aylıq, kirayə günlük), obyekt növü, məkan, nəzərdə tutulan büdcə, otaq sayı, sahə, təmirlə bağlı istək, elanı yaradan şəxsin adı, elanın yerləşdirildiyi tarix barədə məlumatlar əks olunur.
İstifadəçi aşağıdakı “Filtr” düyməsinə klikləməklə yeni açılan pəncərədə elanlar sırasından müvafiq parametrləri daxil etməklə özünə uyğun olanını tapa bilər.
Konkret elana daxil olduqda istifadəçi yuxarıda göstərilən məlumatlarla yanaşı əlavə istəklərlə bağlı qeydi görə, eyni zamanda elan sahibinə zəng edə və ya ona whatsapp üzərindən yaza bilər. Həmçinin, yuxarı sağ küncdəki menyudan seçim etməklə müvafiq elanlar istənilən mesaj tətbiqləri və ya sosial şəbəkələr üzərindən də paylaşıla bilər (whatsapp, telegram, facebook, instagram və s.).
*ELANLARIM*
Bu lövhə mobil tətbiqdə qeydiyyatdan keçən istifadəçilərə açıqdır.
Burda istifadəçi aşağıda sağda yerləşən “+” düyməsinə klikləməklə yeni açılan pəncərədə öz istəklərinə uyğun parametrləri seçməklə elan yarada bilər. Elan yaradıldıqdan sonra müvafiq lövhədə əmələ gəlir. Bundan sonra, istifadəçi yeni yaradılmış elana daxil olmaqla parametrləri yoxlaya, aşağıda yerləşən düymələr vasitəsilə elanı paylaşa, ümumi elanlar sırasında yaranması üçün aktivləşdirə, silə və redaktə edə bilər. Qeyd edilməlidir ki, istifadəçi istərsə, elanı ümumi elanlar siyahısında görünməməsi üçün aktivləşdirmədən də, öz seçdiyi şəxslərlə paylaşa bilər. Eyni hərəkətlər yuxarıda sağda yerləşən menyu vasitəsilə də edilə bilər.
Bu lövhədə istifadəçi yuxarıda sağda yerləşən “Filtr” düyməsinə klikləməklə yeni açılan pəncərədə elanlar sırasından müvafiq parametrləri daxil etməklə öz obyektlərinə uyğun olanları tapa bilər.
*PROFİLİM*
Bu lövhə mobil tətbiqdə qeydiyyatdan keçən istifadəçilərə açıqdır.
Burda istifadəçinin şəxsi məlumatları, o cümlədən ad, soyad, işlədiyi şirkət, email, telefon, whatsapp nömrələri və özü haqqında əlavə qeydləri əks olunur. Bu məlumatlar redaktə edilə bilər.
*AGENTLƏR*
Bu lövhə qismən mobil tətbiqdə qeydiyyatdan keçən istifadəçilərə açıqdır.
Burda qeydiyyatdan keçmiş digər istifadəçilərin adları əks olunur. İstifadəçi qeydiyyatdan keçdikdən sonra axtarış vasitəsilə istədiyi şəxsi tapa və onun barəsində məlumatlarla tanış ola bilər.
____________________
____________________
PS. Remart Group - daşınmaz əmlak bazarı iştirakçıları üçün yaşayış komplekslərini birləşdirən remart.az saytını və yaşayış komplekslərində tikinti, satış və idarəetmə işlərini avtomatlaşdıran Remart Pro proqram təminatını (remart-pro.az) hazırlayan texnoloji şirkətdir.
