Məlum olduğu kimi, son illər ölkəmizin iqtisadi cəhətdən ən aktiv zonası olan Abşeron yarımadasında, xüsusilə paytaxtımızda tikinti bumu yaşanır. Hər rayonda və məntəqədə yeni yaşam tərzini təklif edən, inkişaf etmiş daxili infrastruktura malik yaşayış kompleksləri tikilir. Onların içində məhz bizim istəklərimizə uyğun olanı hansıdır?
Düzgün seçimi necə etməli və yeni ev seçərkən nəyə fikir verməli?
Yaşayış kompleksləri Yaşayış komplekslərində mənzillər
İnşaat işlərini aparan kimdir?
İnşa olunan binada mənzil seçimi zamanı diqqət yetirilməli ən vacib məqamlardan biri tikinti işlərinin hansı şirkət tərəfindən aparılmasıdır. İlk növbədə, marağınızı çəkən şirkətin saytına, sosial şəbəkələrdə profillərinə, forumlarda artıq o şirkətin xidmətlərindən istifadə etmiş insanların kommentlərinə, nəhayət remart.az saytında onlar üçün ayrılmış xüsusi səhifələrə baxa, şirkətin işə yanaşma tərzi, peşəkarlığı barədə məlumat toplaya bilərsiniz. Əgər şirkətin satış ofisləri varsa və menecerlər artıq bitmiş layihələr, istismara verilmə müddətləri, ödəniş şərtləri barədə ətraflı məlumat verə bilirsə, tikinti prosesini açıq şəkildə izləmək imkanı yaradılıbsa - bu artıq yaxşı göstəricidir. Bütün bunlar öz növbəsində, tikintinin vaxtında və nəzərdə tulmuş formada bitiriləcəyinə əminlik yaradır.
Tikintinin proqresi
Daha bir vacib
kriteriya – tikintinin proqresidir. Fasiləsiz tikinti prosesi (hava şəraitinin tikintini mümkünsüz etdiyi hallar istisna olmaqla) şirkətin inşaat işlərinin vaxtında bitməsi üçün lazımi resurslara malik olmasını göstərir. Tikintinin proqresinə diqqət yetirilməsi tövsiyə olunur.
Məkan və xarici infrastruktur
Daha bir faktor – yerləşmə məkanı və xarici infrastrukturdur. Yaşayış kompleksinin yerləşmə məkanına və nəqliyyata yaxın olmasına diqqət yetirilməlidir. Yaxınlıqda nə var? Əgər yaxınlıqda supermarketlər, metro, parklar, ticarət mərkəzləri, təhsil və səhiyyə müəssisələri varsa, bu yaxşı göstəricidir. Ətrafda inkişaf etmiş infrastrukturun olması yaşamı rahat etməklə bərabər, gələcəkdə ehtiyac yaranarsa, mənzili daha tez və baha qiymətə satmaq imkanı yaradır.
Daxili infrastruktur
Yaşamı rahat və keyfiyyətli edən əsas faktor - daxili infrastrukturdur. Burda diqqət yetirilməli çox məqam var. Blokda liftlərin sayı, mərtəbədə mənzillərin sayı, parklanma yerlərinin mənzillərin sayına nisbəti. Əgər parklanma yerlərinin mənzillərin sayına nisbəti 1-ə bərabərdisə, bu yaxşı göstəricidir və ya əgər 1-dən çoxdursa, bu ümumiyyətlə əladır. Bu onu göstərir ki, həyətdə maşınların sayı az olacaq. Uşaq və idman meyçanlarının da olması üstünlük gətirir.
Sadalanan faktorlardan əlavə, qeyri-yaşayış və kommersiya sahələrinin də mövcudluğuna diqqət yetirilməlidir. Adətən artıq tikinti gedərkən kommersiya sahələrinin təyinatı bilinir. Qeyri-yaşayış sahəsi supermarket, uşaq bağçası, fitnes zalı və s. üçün istifadə oluna bilər. Kommersiya sahələrinin düzgün və effektiv istifadə olunması rahat və komfortlu yaşama şərait yaradan daxili infrastrukturu formalaşdırır.
Remart Group haqqında
Daşınmaz əmlakın likvidliyi
Mənzilin yerləşməsi və planı
Mənzil seçərkən əsas onun yerinə və planına diqqət yetirmək lazımdır. Otaqların sahəsi və yaşayış sahəsinin düzgün bölüşdürülməsi vacib şərtdir. Yaxşı göstərici - kompleksdə mənzillərin sərbəst planlaşdırma imkanına malik olmasıdır. Otaqların təbii işıqlanması da mühüm şərtlərdəndir. Əlbəttə ki, rahatlıq üçün ən yaxşısı yelçəkən mənzillər sayılır.
Ödəmə şərtləri
Yaşayış komplekslərində mənzil sahibi olmağın 3 əsas üsulu var. Tam ödəniş, şirkətin daxili krediti və bank ipotekası. Tam ödənişlə bağlı əlavə izaha ehtiyac yoxdur. Keçək digərlərinə. Daxili kredit adətən binanın hazırki tikinti mərhələsindən asılı olaraq 24-36 ay müddətinə verilir. Bu zaman müştəri mənzilin dəyərinin 25-40 faizini ödəyir. Adətən daxili kreditlə alınma zamanı mənzilin qiyməti 10-15 faiz daha baha olur. Bank ipotekası əsasən artıq tikintisi başa çatmış komplekslərdəki mənzillərə rəsmiləşdirilir.
Qaçırmayın:
Mənzili tez satmaq istəyənlər üçün
Evini özü satmaq istəyənlər üçün
Ev satarkən aparılan danışıqlar
Əmlakın satış planı
Akim Tahirov REMART GROUP şirkətinin təsisçisi və icraçı direktoru
