Ağ Şəhərdə mənzil sahibi olmağın 9 üstünlüyü

Hazırda Bakı buxtasının mərkəzində yerləşən Qara Şəhərin obrazının dəyişdirilməsi, paytaxtın tarixi mərkəzinin şərq hissəsində 620 ha ərazinin yeni təyinatlı şəhər kimi canlanması və investisiyalar üçün ən cəlbedici məkanlardan birinə çevrilməsi üçün kompleks tədbirlər həyata keçirilir.

Layihənin konsepsiyası formalaşdırılarkən memarlıq rəngarəngliyi, ekoloji uyğunluq və ərazinin artıq mövcud olan şəhər ansamblına düşünülmüş inteqrasiyası mühüm istiqamətlər kimi müəyyən edilmişdir. 

Nəticədə, çox maraqlı memarlıq nümunələri və investisiya perspektivləri ilə yanaşı, torpağın dirçəlişi və inşaatın stimullaşdırılmasını, burda yaşamaq və işləmək arzusu oyadan cəlbedici mühitin və infrastrukturun yaradılmasını nəzərdə tutan layihə ortaya qoyulmuşdur.

Köhnəlmiş sənaye obyektlərinin şəhərin hüdudlarından kənara çıxarılması, çirklənmiş torpaqların təmizlənməsi və sahilyanı bulvarın abadlaşdırılması işləri həyata keçirilmişdir. 

İdeyanın möhtəşəmliyi və görülmüş işlərin professionallığı Bakının müasir şəhərsalmanın ən son tendensiyalarına inteqrasiyasını təmin edir və Bakı Ağ Şəhər layihəsini dünyanın qabaqcıl və müasir şəhərsalma layihələri səviyyəsinə çıxarır. 

Bu layihənin reallaşdırılması ilə Qara Şəhərin sənaye siması keçmişdə qalacaq və yerini Bakı Ağ Şəhər adlı harmoniya və rahatlıq məkanına verəcək. 

Yerli və xarici investisiyalar yönümlü Bakı Ağ Şəhər layihəsi müxtəlif həcmli yaşayış və kommersiya tikililərinin böyük seçimini təklif edir. İnvestorlar investisiya və tikinti məqsədilə, kiçik villalardan başlayaraq iri həcmli komplekslərə qədər münasib yaşayış və ya kommersiya obyekti seçə bilərlər.

 

                                                             

Eviniz - Həyat tərzinizdir

Ağ Şəhərdə yaşayış kompleksləri

                                                          

 

1. Layihənin reallaşdırılmasına peşəkar yanaşma

Ağ Şəhər layihəsinin baş məsləhətçisi qismində mühəndis və memarlıq planlaşdırılması üzrə dünyanın tanınmış şirkəti “ATKİNS“ (Böyük Britaniya) cəlb edilmişdir. 

Ağ Şəhərin Baş Planı tərtib edilmiş, layihələndirmə çərçivəsində xaotik tikintili və infrastrukturu olmayan ərazinin texniki inventarlaşdırılması aparılmış, hündürlük səviyyəsinin kəskin dəyişməsi, dalanlar, düzənsizlik problemlərinin aradan qaldırılması üzrə kompleks tədbirlər müəyyən edilmiş, inşa olunacaq tikililərin memarlıq göstəriciləri, şəhərsalma, nəqliyyat və digər infrastrukturu hazırlanmışdır. 

Ərazi daxilində layihələndirilən yeni yol şəbəkəsinin Babək və Nobel prospektlərinə rahat çıxışı, yolayrıcları və piyada keçidləri modelləşdirilmişdir. Ərazinin tikintialtı sahələrə və landşaft zonalarına bölgüsü aparılmış, sahələrin təyinatı, tikinti sıxlığı, hündürlük siyasəti müəyyənləşdirilmişdir. 

 

2. İnkişaf etmiş sosial infrastruktur

Ağ Şəhər yalnız planlaşdırılan yaşayış sahələri deyil, həm də infrastruktur baxımından böyük miqyaslı layihədir. Ərazidə böyük ticarət mərkəzi, yaşayış binalarının birinci mərtəbələrində sosial və kommersiya obyektləri olacaq. 

Ağ Şəhər sakinləri avtomobillərinin parklanması ilə bağlı heç bir problem yaşamayacaqlar. Əsas yeraltı dayanacaqdan əlavə qonaqlar üçün də parkinqlər nəzərdə tutulub. Əsas dayanacağın yeraltı olması gəzinti zonalarına və böyük uşaq meydançalarına yer açmışdır.

 

3. Yaşayış üçün rahatlıq, dəniz kənarında gözəl və müasir ev

Ağ şəhər Bakı buxtasının mərkəzində yerləşir. Bu da gələcəkdə burda yaşayacaq sakinlərə ailə tərkibindən, yaşdan, işdən və vərdişlərdən asılı olmayaraq bütün həyat ssenarilərini reallaşdırmağa imkan verəcək. Uşaqlı ailələri yaxınlıqda uşaq bağçaları və məktəblərin olması, gəncləri tıxaclarda qalmadan işləmək və dincəlmək üçün şərait, yaşlıları sakit həyat ritmi və yaşıl zonalar gözləyir. Nəhayət, evlərin bilavasitə yaxınlığında gəzinti məkanlarının və əsas infrastruktur obyektlərinin yerləşməsi hamının ürəyincə olacaq. Uşaq bağçaları, dükanlar və supermarketlər, restoranlar, idman klubları və s. obyektlər Ağ Şəhərdə çoxlu sayda olacaq. Nəqliyyat rahatlığı nəzərə alınaraq digər maraq nöqtələrinə də rahatlıqla çata bilərsiniz. 

Öz ölçülərinə, məqsədli bazarına və dəyərinə görə bir-birindən fərqlənən müxtəlif növ yaşayış vahidlərinin kombinasiyası yaşayış evlərinin ictimai-qarışıq qruplarını yaratmağa kömək edəcəkdir.

 

4. Perspektiv yerləşmə

Ağ Şəhər paytaxtın “yüksəliş nöqtələri”ndən birində yerləşir. Məlum olduğu kimi, Xətai rayonunun müvafiq hissəsi son illər aktiv şəkildə inkişaf edir. Burda yaşam indidən güclü potensiala malikdir.

Yeni iş yerlərinin, istirahət və əyləncə zonalarının yaradılması üçün mövcud olan torpaq landşaftından səmərəli istifadə edilməsi, habelə kommunal təsərrüfat müəssisələrinin yaşayış məhəllələrinin ərazisində və bir-birinin bilavasitə yaxınlığında yerləşdirilməsi uzaq məsafəyə yerdəyişmələrin zərurətini əhəmiyyətli dərəcədə azaldacaqdır.

 

5. Likvid daşınmaz əmlak

Ağ Şəhərdə daşınmaz əmlakın çox maraqlı və vacib xüsusiyyəti var. Gələcəkdə bu ərazidə çoxlu ofis işçilərinin çalışacağı nəzərə alınaraq mülkiyyətçilər icarədən yaxşı qazanc əldə edə bilər. 

Tikinti şirkəti ilə müqavilə nə qədər tez bağlanarsa, mənzilin qiyməti bir o qədər sərfəli olar. Özültökmə mərhələsində mənzilin qiyməti, istismara verilmə mərhələsində qiymətlərdən adətən 30% daha ucuz olur. Bina istismara verildikdən sonra, mənzillərin qiyməti adətən dərhal qalxır.

 

6. Ekoloji normalara riayət olunması

Bakı Ağ Şəhər layihəsi həyata keçirilərkən infrastrukturun, energetikanın və digər ehtiyatların səmərəli istifadə edilməsi hesabına ekoloji normalara riayət olunur.

Çirklənmiş torpaqlar bərpa olunur və mövcud ekoloji çirkləndirmə amillərinin aradan götürülməsi üzrə işlər görülür.

Mövcud olan yaşıllıqlar və parklar bərpa olunur və yeniləri yaradılır.

Küçələrin və prospektlərin yaşıllaşdırılması yolu ilə avtomobil nəqliyyatı tərəfindən çirklənmənin neqativ nəticələri minimuma endiriləcəkdir.

 

7. Nəqliyyat infrastrukturu

Ağ Şəhəri potensial seçim edən kriteriyalardan biri nəqliyyat infrastrukturunun optimal qurulmasıdır. 

Şəxsi nəqliyyatdan asılılığın azaldılması üçün ictimai nəqliyyatın, metro stansiyasının tikintisi, habelə, su nəqliyyatından istifadə edilməsi də daxil olmaqla, alternativ variantlar tətbiq edilir.

Piyadalar və velosiped sürənlər üçün əlverişli şəraitin yaradılması məqsədi ilə şəhər və ictimai infrastruktur inkişaf etdiriləcək.

 

8. Sərmayə və inkişaf imkanları

Yerli və xarici sərmayədarlara yönəlimiş Bakı Ağ Şəhər layihəsi, ikimərtəbəli villalardan başlayaraq, orta və yüksək mərtəbəli yaşayış komplekslərinə və biznes mərkəzlərinə qədər, müxtəlif həcmli yaşayış və kommersiya tikililərinin böyük seçimini təklif edir.

Layihə çərçivəsində sərmayəçilər onların fəaliyyət istiqamətlərinə uyğun olan obyektlər seçə bilərlər:

 

Yaşayış  

250 kv.m-dən 40 000 kv.m-ə qədər

Ofislər

2 000 kv.m-dən 80 000 kv.m-ə qədər

Ticarət

 250 kv.m-dən 108 000 kv.m-ə qədər

 

Təhsil 

Özəl uşaq bağçaları

Özəl məktəblər

Özəl ali təhsil müəssisələri

 

Turizm

Otellər

Əyləncə mərkəzləri

Tematik park

Akva-park

 

Səhiyyə

Özəl xəstəxanalar

Özəl poliklinikalar

Özəl klinikalar

Özəl bərpa mərkəzləri

Özəl idman obyektləri

Özəl baytarlıq klinikaları

 

Xidmət

Orta anbarlar

Avtomobillərə texniki xidmət stansiyaları

Yuyucu məntəqələr və digər xidmətlər

 

9. Faktlar və rəqəmlər 

- Bakı Ağ Şəhər ölçülərinə görə Monakodan böyük və “İçərişəhər”in ərazisindən artıq olan 650 ha ərazini əhatə edəcək və bu məkanı Qafqaz regionunun ən iri layihəsinə çevirəcəkdir.

- layihə başa çatdıqda, Bakı Ağ Şəhərin əhalisi sayına görə Andorra Knyazlığının əhalisindən çox olacaqdır (130 000 sakin).

- Bakı Ağ Şəhər bir-biri ilə qonşu olan 10 kvartalı birləşdirir. Hər bir kvartalın uğurlu inşası bütün Baş Planın həyata keçirilməsi üçün həlledici rol oynayır.

- Tikintinin ümumi sahəsi 9,5 mln. kv.m təşkil edəcəkdir

- 55 000 yaşayış və kommersiya vahidi

- layihə başa çatdıqdan sonra Bakı Ağ Şəhər 100 000 sakini iş yeri ilə təmin edəcəkdir.

- 85 000 avtomobillik parkinq yeri. Adambaşına düşən dayanacaq yerlərinin sayına görə ən böyük avtodayanacaqlardan biri Bakı Ağ Şəhərdə olacaqdır.

- Bakı Ağ Şəhər mövcud olan Bulvar xəttini daha 5 km uzadaraq, onu dünyada ən uzun bulvara çevirəcəkdir. 

- ölçülərinə görə Bulvardakı çarxdan iki dəfə böyük və Parisdəki məşhur Seyretmə Çarxından (“Grande Roue de Paris”) iri olan 65 metrlik Seyretmə Çarxı Dəniz Sahilinin yaraşığı olacaqdır.

- Bakı Ağ Şəhərin Fəvvarələr Meydanı ölçülərinə görə mövcud Fəvvarələr Meydanından böyük olacaqdır (4 hektar).

- hər kvartalın öz incisi. Bakı Ağ Şəhərin bütün inciləri – çox vaxt baxış dəhlizinin sonunda yerləşən və tikililər arasında hündürlüyü və özünəməxsusluğu ilə seçilən binalar, keçid kompozisiyaları və körpülər şəhər mühitinə rəngarənglik qatan unikal elementlər olacaqdır.   

- Bakı Ağ Şəhərin ərazisində regionun ən iri ticarət mərkəzi - Baku City Mall yerləşəcəkdir. 

- Nobel prospektindəki piyada keçidi vasitəsilə Bulvardakı Baku City Mall ticarət mərkəzi ilə birləşən müasir əyləncə və ticarət mərkəzi Bakı Ağ Şəhərin Fəvvarələr Meydanına yaraşıq verəsəkdir.

- Bakı Ağ Şəhərin Fəvvarələr Meydanında yerləşəcək yeni metro stansiyası mövcud Azadlıq - Xətai xəttinin davamı olacaqdır.

- Bakı Ağ Şəhər Bakının incisi olan Qız Qalasından cəmi 4 km məsafədə yerləşir.

 

Layihə barədə əlavə məlumat almaq üçün tel.: +994502891190.

 

Oxşar məqalələr
Международная выставка-конференция Moscow Internat...
В выставке примут участие ведущие компании из 30 стран мира,...
Daşınmaz əmlak sorğusu
Sorğu daşınmaz əmlak alqı-satqısı prosesində rastlaşdığınız...
İnşaat proseslərinin idarə edilməsində yeni texnol...
İnşaat sektoru hər bir ölkənin iqtisadiyyatında mühüm yer tu...
GREIMS Batumi 2019
GREIMS Batumi пройдет в 2 дня: - 1-ый день ориентирован ис...
International Luxuary Property EXPO 2019
15-16 мая при поддержке государства Монако пройдет выставка...
New Nordic Group
НЕДВИЖИМОСТЬ C ГАРАНТИЕЙ ПОЛУЧЕНИЯ ДОХОДА С АРЕНДЫ 9%
"Teras Park" - Yaşayış Kompleksi
"Teras Park" yaşayış kompleksinin inşаsı ekoloji cəhətdən tə...
Zirve Residence - Premium Yaşayış Kompleksi
"Zirve Residence" bazarda gəlirlilik baxımından ən perspekti...
Park Bayıl - Premium Yaşayış Kompleksi
Yeni “Park Bayıl” premium yaşayış kompleksi şəhərimizin misi...
Mahal Construction - tikinti gedişatı
Hər bir evin tikintisi nədən başlayır? Hətta tikinti barədə...
Park Cıdır - Premium Yaşayış Kompleksi
"Park Cıdır" yaşayış kompleksi investisiya baxımından persp...
Özüm satıram!
Mənzili özünüzün satmağınızın üstünlükləri: Danışıqlarda üçü...
Mənzil satıram. Aşağı yeri var?
Danışıqlar zamanı hər bir şəxs özü üçün yaxşı olan nəticəyə...
Əmlakın satış planı
Əmlak kimi bahalı “malı” satmaq asandırmı? Real alıcı tapmaq...
Daşınmaz əmlakın likvidliyi
Likvidlik anlayışı daşınmaz əmlakın alqı-satqısı ilə məşğul...
Mənzilinizi necə tez sata bilərsiniz?
Mənzilinizi satarkən həddən artıq tələsmək xeyir gətirmir. E...
Global Promotion Group - xarici mülkiyyət və inves...
Daşınmaz əmlaka investisiya ən etibarlı yatırımlardan biri s...
İndi Dubay zamanıdır
2010-cu ildə dünyada ən hündür binanın - Burj Khalifanın açı...
Panorama Bayıl - Premium Yaşayış Kompleksi
“Pilot layihə”lər sırasında “Panorama Bayıl” Premium Yaşayış...
Eviniz - Həyat tərzinizdir
Yeni ev seçərkən biz təkcə kvadrat metrlər almırıq, həm də y...
Tövsiyyə olunan məqalələr