İstanbulda daşınmaz əmlak obyektləri: investorlar üçün faydalar və fürsətlər
İstanbul həmişə populyarlığını saxlayır və hər il qədim şəhəri ziyarət edən turistlərin sayı təxminən 11% artır. Pandemiyadan əvvəl, təkcə 2019-cu ildə İstanbula 10 milyondan çox turist gəlib. Bu son beş ilin ən yüksək göstəricisi idi. Məhdudlaşdırıcı qadağaların götürülməsindən sonra turizm axınının bərpa olunacağı gözlənilir.
İstanbul Bizans və Osmanlı imperiyalarından miras qalan məkanları ilə bütün dünyada tanınır. Eyni zamanda, qonaqların əksər hissəsi İstanbulu biznes məslələrini həll etmək üçün ziyarət edirlər. Mənzil kirayəsi böyük tələbata malik olduğuna və sabit gəlir gətirdiyinə görə İstanbul əmlak bazarı investorları cəlb edir.
Son 10 ildə şəhər dinamik inkişaf edir və yaşayış və ticari daşınmaz əmlakın tikintisi yalnız yeni məhəllələrdə deyil, həm də tarixi mərkəzdə aparılır.
2020-ci ilin birinci rübündə İstanbulda ümumilikdə 64 minə yaxın yaşayış və kommersiya sahəsi satılmışdır. Ekspertlərin fikrincə, yaxın gələcəkdə əmlaka investisiya meyilli xarici alıcıların güclü tələbi səbəbindən İstanbulda mənzillərin dəyəri artacaq. Bazarda mövcud olan aktual təkliflərlə burda tanış olmaq olar.
İstanbulda əmlaka investisiyaya görə vətəndaşlıq alınması
Türkiyədə 250.000 dollardan artıq qiymətə daşınmaz əmlak alan investorlar vətəndaşlıq almaq hüququna malikdirlər.
Sənədləşmə prosesi təxminən 2 aya qədər çəkir. Türkiyə vətəndaşlığının əsas üstünlükləri:
Bu cür imkanlar, Türkiyə əmlak bazarını xarici investorlar üçün xüsusilə maraqlı edir.
İstanbul: əmlak seçimi və rayonlar
İstanbulda mənzil almazdan əvvəl şəhərin xüsusiyyətləri, bölgələri və orada təqdim olunan daşınmaz əmlakla tanış olmaq lazımdır.
Şişli
Ticarət mərkəzlərinin, müxtəlif şirkətlərin ofislərinin və böyük əyləncə mərkəzlərinin yerləşdiyi mərkəzi ərazi. Şişlidə çox restoranlar, məşhur markaların lüks butikləri, kafelər və istirahət üçün hər cür məkanlar var. Burdakı müasir yaşayış kompleksləri rahatlığı və düşünülmüş infrastrukturu ilə seçilir.
Bomonti
Bölgə əsasən iş mərkəzi kimi tanınır. Bununla yanaşı bu rayonda da premium və biznes sinifə aid yaşayış komleksləri inşa olunur. Burdakı layihələr əlverişli yerləşmə və mənzil dəyərində artım perspektivi baxımından yüksək investisiya potensialına malikdir və İstanbulun mərkəzində əmlak almaq üçün yaxşı bir seçim olacaq.
Qartal
İstanbulun Asiya tərəfində yerləşən və sürətlə böyüyən rayonda meşə və 12 km sahil zolağı var.
Bəylikdüzü
İstanbulun Avropa hissəsində, qərb tərəfində yerləşən, son illərdə çox inkişaf etmiş, əcnəbilərin yaşamaq və investisiya üçün üstünlük verdikləri rayon.
Bəylikdüzünün üstünlüklərindən biri də meşə ərazisində yüksəklikdə yerləşməsidir ki, bu da təmiz hava istəyənlər üçün çox yaxşı variantdır. Burda çimərliklər, liman və yaşayış üçün lüks komplekslər var. Komplekslərdə hovuz, idman zalı və spa mərkəzləri nəzərdə tutulur. Yaxınlıqda Marmara Park ticarət mərkəzi var və E-5 avtomagistralı keçir.
Üsküdar
Bir zamanlar qala olmuş İstanbul Haliçlə üzbəüz ən qədim və ən gözəl bölgələrindən biri. Burada çoxsaylı məscidlər, məşhur Qız Qalası və Bəylərbəy Sarayı kimi turistik məkanlar yerləşir. Tarixi bölgə olmasına baxmayaraq, burda çoxlu modern yaşayış kompleksləri inşa edilib. Burdan Mərmərə dənizinin altı ilə çəkilmiş tunellə 4 dəqiqəyə şəhərin Avropa hissəsinə çatmaq olar. Sahil boyu məşhur İstanbul villaları, lüks əyləncə mərkəzləri və restoranlar yerləşir.
Beşiktaş
İstanbulun ən qədim məkanlarından biridir. Sənayeləşmiş, ticari və əhalinin sıx məskunlaşdığı bölgədir.
Dolmabahçe, Yıldız Sarayı, Çırağan Sarayı, İhlamur Qəsri və prestijli otellərin yerləşdiyi zonadır.
Boğaz xəttində yerləşən tarixi və lüks villalar baxımından İstanbulun ən yüksək qiymətlərə malik rayonudur.
Sariyer
Bir qisminin boğaz xəttində olması, tarixi məscidlərin, kilsələrin, türbələrin və villalarının çoxluğu baxımından dəyərli bölgədir. Həmçinin, dövlət tərəfindən qorunan təbiət parkları da var.
Bununla bərabər, burda bir sıra modern, bol yaşıl zonalara malik və boğaz mənzərəli əmlak da tapmaq olar. Xarici şirkətlərin, konsulluq əməkdaşlarının və yüksək gəlirli şəxslərin yaşadığı bölgədir.
Bəyoğlu
İstanbulun tam mərkəzində yerləşən və köhnə şəhərin yerləşdiyi rayon. Burda bir çox ölkələrin səfirlik və konsulluqları, prestijli otellər, əyləncə məkanları, tarixi dini mərkəzlər var. Eyni zamanda, İstanbulun ən çox bu hissəsi avropalaşdırılıb və buranın yeni binaları ən cəlbedici investisiya hədəflərindəndir. Komplekslər adətən Taksim meydanına yaxın tikilməklə metroya, tramvay dayanacaqlarına və parom limanına yaxın yerləşir.
İstanbulda mənzil almadan əvvəl nələrə diqqət yetirmək lazımdır?
İstanbulda mənzil seçərkən hansı məqsədlə alınacağı əvvəlcədən müəyyən edilməlidir. Mənzil yaşayış üçün alınırsa istəklərə uyğun olaraq bölgələr araşdırılmalı və çoxsaylı variantlara baxılaraq seçim edilməlidir.
Əmlak icarəyə vermək və ya vətəndaşlıq məqsədi ilə alınırsa, seçimi gələcək perspektivlər baxımından etmək vacibdir.
Bundan əlavə, mənzilin gələcəkdə kimə kirayəyə veriləcəyini də düşünməyə dəyər: ailələr üçün uzunmüddətli və ya turist və iş adamları üçün qısamüddətli kirayə. Əmlak ekspertləri seçim prosesində bütün lazımi məlumatları təqdim edəcək və hüquqi dəstək göstərəcəklər.
