Bəşəriyyətin inkişafı durmadan davam edir. Zaman ötür, həyat tərzi, şəraiti, həyat fəlsəfəsi dəyişir. Texniki inkişaf yeni sosial mühit formalaşdırır. Bununla belə elə dəyərlər mövcuddur ki, minilliklər ərzində dəyişməz qalıb və böyük ehtimalla demək olar ki, dəyişməz olaraq qalacaq. İbtidai inkişaf dövründən bu günə kimi, hər bir insan üçün vacibliyini itirməyən bir dəyər – yaşayış məkanı, ailənin sığınacaq yeri olan, EV. İbtidai insanın mağarası və müasir mənzil, fərq və inkişaf müqayisə edilməzdir.
Vətənimizin paytaxtı, doğma Bakı günü-gündən gözəlləşir, müasirləşir. Bu inkişafın əsas təzahürləri sözsüz ki, şəhərin görkəmini formalaşdıran, şəhərsalma, memarlıq və tikinti sahələrində aparılan işlərdir. Bu işlərin tərkib hissəsi kimi “Pilot layihə”lərin icrası, sözsüz ki, vacib amillərdən biridir.
Hazırda “Pilot layihə” çərçivəsində azmərtəbəli, qəzalı vəziyyətdə olan və yaşayış üçün yararsız tikililərin söküntüsü barədə qərarı müvəffəqiyyətlə həyata keçirilir. Proqrama uyğun olaraq, 5 il ərzində 1,094 yaşayış binasının (893,000 m2 yaşayış sahəsinin, 15,857 mənzilin) söküntüsünün aparılması və 49,614 sakinə daha çox yaşayış sahəsi və daha rahat həyat şəraiti təklif etməklə, onların köçürülməsi nəzərdə tutulur.
“Pilot layihə”lər sırasında “Panorama Bayıl” Premium Yaşayış Kompleksi özünəməxsus və təkrar olunmaz xüsusiyyətlərinə görə seçilir. Ümumilikdə bu layihə 3 mərhələyə icra olunacaq və hər bir mərhələ çərçivəsində daxili infrastruktur və landşaft daxil bir bina inşa olunacaq. Müvafiq olaraq “Panorama Bayıl-1”, “Panorama Bayıl-2” və “Panorama Bayıl-3” adları ilə alıcılara təklif edilir.
Növbəti məqalədə, hal hazırda inşası aparılan “Panorama Bayıl-1” layihəsi barədə ətraflı məlumat veriləcək.
MAHAL Construction
+994 50 218-18-45
+994 70 218-18-45
